Am Prionnsa an Alba

As dèidh sin, chaidh achdan ceannsachaidh dòrainneach a chur air na Gàidheil leis an riaghaltas Bhreatannach. Tha sgeul Chùil Lodair agus Bliadhna Theàrlaich ga h-innse san Ionad Tadhail aig Urras Nàiseanta na h-Alba an Gleann Fhionghain agus an Cùil Lodair agus chaidh seirbheis cuimhneachaidh Ghàidhlig a cumail air Dimàirt 16 Giblean 1996 aig an làrach. Tha mòran chuimhneachan Sheumasach inntinneach ann an Taigh-tasgaidh a' Ghearasdain, agus tha càrn a' comharrachadh an àite aig Loch nan Uamh bhon d'fhàg am Prionnsa Teàrlach Alba gu bràth, le geur-leanmhainn is casgairt eagalach ga dhèanamh air an fheadhainn a thug taic dha.…